राष्ट्रपति, प्रधानमन्त्रीसहितका विशिष्ट व्यक्तिहरूलाई नेपालको पूर्ण नक्शा हस्तान्तरण
<p>काठमाडौं। नेपाल सरकारले हिजो, ८ जेठमा जारी गरेको पूर्ण नक्शा राष्ट्रपति, प्रधानमन्त्री सहितका विशिष्‍ट व्यक्तिहरूलाई हस्तान्तरण गरिएको छ।</p>
<p>भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले मन्त्रालयको तर्फबाट राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीलाई नक्शा हस्तान्तरण गरेकी हुन्।</p>
<p>त्यस्तै सभामुख अग्‍निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सना, नेपाली कांग्रेसका सभापति शेरबहादुर देउवालाई पनि पूर्ण नक्शा हस्तान्तरण गरिएको छ।</p>
<p>५ गते बसेको मन्त्रीपरिषद्को बैठकले लिम्पियाधुरा, लिपुलेक र कालापानी क्षेत्र समेटिएको नेपालको पूर्ण नक्शा स्वीकृत गरेको थियो।</p>
<p>स्वीकृत पूर्ण नक्शा हिजो भूमि व्यवस्था, सहकारी तथा गरिबी निवारण मन्त्रालयले औपचारिक रूपमा नक्सा सार्वजनिक गरेको हो।</p>
प्रतिक्रिया दिनुहोस्
.jpg)
