चावहिलमा घर भत्काउने क्रममा दुईजना घाइते, एकको अवस्था गम्भीर
<p>काठमाडौं। काठमाडौंको चावहिलदेखि चुच्चेपाटी जाने बाटो नजिकै मूल सडकमा रहेको एक पुरानो घर भत्किँदा दुईजना घाइते भएका छन्।</p>
<p>पुरानो घर भत्काउने क्रममा एकजना कामदार र एक पैदल यात्रु घाइते भएका हुन्।</p>
<p>“घर भत्काउने काम भइरहेको समयमा एक्कासि माथिल्लो क्षत खसेर दुईजना घाइते भएका छन्,” गौशालाका डीएसपी प्रदीपकुमार सिंहले भने, “उनीहरूको दीघार्यु अस्पतालमा उपचार भइरहेको छ।”</p>
<p>घरधनी गोविन्द श्रेष्ठले पुरानो मोडलको घर भत्काएर नयाँ बनाउन भत्काउने ठेक्का दिएर काम गराइरहेका थिए ।</p>
<p>घाइते हुनेमा घर भत्काउन काम गरिरहेका कामदार दीपक तामाङ र पैदल यात्रु रामबहादुर कुँवर रहेका छन्। तामाङको अवस्था गम्भीर छ। प्रहरीका अनुुसार उनी बोल्न सकिरहेका छैनन्।</p>
<p>चार तलाको घर भत्काउने क्रममा माथिबाट छतको भाग भत्किएको हो।</p>
<p> </p>
प्रतिक्रिया दिनुहोस्
.jpg)
