क्यानडामा जस्टिन ट्रुडो दोस्रो पटक प्रधानमन्त्री बन्ने निश्चित
<p>क्यानडाका प्रधानमन्त्री जस्टिन ट्रुडोको लिबरल पार्टीले ४ कात्तिकमा सम्पन्न संसदीय निर्वाचनमा सबैभन्दा बढी स्थान जितेको छ। योसँगै उनी दोस्रो कार्यकाल प्रधानमन्त्री बन्ने निश्चित भएको छ।</p>
<p>तर, लिबरल पार्टीले पूर्ण बहुमत प्राप्त गर्न भने सकेन।</p>
<p>संसदमा सबैभन्दा ठूलो दल भएका कारण दोस्रो पटक प्रधानमन्त्री बन्ने निश्चित भएसँगै जस्टिनले सरकार गठनका बारेमा साना दलहरुसँग छलफल थालेका छन्।</p>
<p>संसदको कूल ३३८ स्थानमध्ये जस्टिनको दलले १५६ स्थानमा विजयी हुने देखिएको छ। मुख्य विपक्षी एन्ड्रु सियरको कन्जरभेटिभ्सले १२२ स्थान जित्नेछ।</p>
<p>हिजो बिहानैदेखि प्रधानमन्त्री जस्टिनले नयाँ सरकार गठनका लागि साना दलसँग सहमति जुटाउने प्रयासमा छन्।</p>
<p>हाल ४७ वर्ष पुगेका जस्टिनले मतदान सकिएलगत्तै समर्थकहरुलाई सम्बोधन गर्दै क्यानडाली जनताले विभाजन र सरकारी अनुदानमाथिको निर्भरतालाई अस्वीकार गरेको बताए। <br />
</p>
प्रतिक्रिया दिनुहोस्
.jpg)
