लाकुरीभञ्याङ र चापाखर्कमा गरिएकाे गाँजाखेती नष्ट
<p>काठमाडाैं। स्थानीय प्रशासनसँगको सहकार्यमा ललितपुरको विभिन्न क्षेत्रमा लगाइएको गाँजाखेती प्रहरीले आज नष्ट गरेको छ।</p>
<p>ललितपुरको महालक्ष्मी नगरपालिका र गोदावरी नगरपालिकामा पर्ने लाकुरीभञ्याङ र चापाखर्कको झण्डै ५०० रोपनी क्षेत्रफलमा लगाइएको गाँजाखेती नष्ट गरिएको महानगरीय प्रहरी परिसर ललितपुरका प्रमुख प्रहरी वरिष्ठ उपरीक्षक टेकप्रसाद राईले जानकारी दिए।</p>
<p>उनका अनुसार २०० भन्दा बढी प्रहरी परिचालन गरेर गाँजाखेती फाँडी जलाएर नष्ट गरिएको हो।</p>
<p>गाउँमा पुग्दा पुरुषहरू कोही पनि नभेटिएको जानकारी दिँदै उनले सो क्षेत्रमा व्यावसायिकरूपमा गाँजाखेती गरेको पाइएको बताए।</p>
<p>महिलाहरूले भने बँदेलले मकै खाने गरेकाले विकल्पको रूपमा गाँजाखेती गरेको प्रतिक्रिया दिएका बताइएको छ।</p>
<p>कानूनले गाँजाखेतीलाई अवैध मानेको छ।</p>
<p>मुलुकका विभिन्न जिल्लाका पहाडी क्षेत्रमा ठूलो मात्रामा गाँजाखेती हुने गरेको छ।</p>
<p>प्रहरीले हरेक वर्ष गाँजाखेती फँडानी गर्ने गरिएको भए पनि खेती लगाउने क्रम भने रोकिएको छैन। उनीहरूलाई विकल्प दिनुपर्ने आवाज बर्सेिन उठ्दै आएको पनि छ। <em>रासस</em></p>
प्रतिक्रिया दिनुहोस्
.jpg)
