आज मन्त्रिपरिषद् बैठक बस्दै
<p>काठमाडौं। आगामी आर्थिक वर्षको बजेटलगायतको विषयमा छलफल गर्न आज मन्त्रिपरिषद्को बैठक बस्दैछ।</p>
<p>प्रधानमन्त्री निवास बालुवाटारमा अपरान्ह ४ बजे बैठक बस्न लागेको भूमि व्यवस्था, सहकारी तथा गरिबी निवारण मन्त्री पद्मा अर्यालले बताइन्।</p>
<p>उनले बैठकमा बजेटलगायत समसामयिक विषयमा छलफल हुने बताएकी छन्।</p>
<p>सरकारले आर्थिक वर्ष २०७७/७८ को बजेट ल्याउने तयारी गरिरहेको छ। त्यसकै विषयमा आवश्यक तयारी लगायतका विषयमा आजको मन्त्रिपरिषद्को बैठकमा छलफल हुने बताइएको छ।</p>
<p>त्यस्तै कोभिड-१९ को रोकथाम, नियन्त्रण र उपचारमा भइरहेको प्रयास र थप रणनीतिका बारेमा पनि छलफल पनि बैठकको अजेण्डा छ।</p>
<p>भारत र विदेशमा अलपत्र परेका नागरिकहरूको उद्दार गर्ने विषयमा पनि केही निर्णय हुन सक्ने बताइएको छ।</p>
<p>विदेशमा रहेका नेपालीहरुको उद्दार गर्ने सरकारले बताए पनि अहिलेसम्म के कसरी उद्दार गर्ने, उनीहरुको व्यवस्थापन कसरी गर्ने भन्ने विषयमा टुंगो लगाउन सकेको छैन।</p>
प्रतिक्रिया दिनुहोस्
.jpg)
