लागुऔषधसहित दुईजना पक्राउ
<p>स्याङ्जा। लागुऔषधसहित दुईजनालाई स्याङ्जा प्रहरीले पक्राउ गरेको छ।</p>
<p>५ कात्तिक साँझ पौने ८ बजे पोखरा महानगरपालिका–६ बस्ने २९ वर्षीय महेन्द्र भण्डारी र गोरखा भीमसेन गाउँपालिका–७ का २८ वर्षीय सुरेश थापालाई प्रहरीले पक्राउ गरेको हो।</p>
<p>उनीहरूको साथबाट लागुऔषध डाईजेपाम ५० एम्पुल, फेनरागन ५० एम्पुल, नोफिन ५० एम्पुल फेला परेको छ।</p>
<p>स्याङ्जा पुतलीबजार–१, सिद्धार्थ राजमार्गमा सवारी साधनहरू चेकजाँच गर्ने क्रममा बुटवलबाट पोखरातर्फ जाँदै गरेको ग१ ख ७०७४ नम्बरको माईक्रो बसमा सवार उनीहरूलाई शंका लागेर चेकजाँच गर्दा लागुऔषध फेला परेको हो।</p>
<p>पक्राउ परेका उनीहरूलाई स्याङ्जा जिल्ला अदालतबाट म्याद थप अनुमति लिई थप अनुसन्धान थालिएको प्रहरी नायव उपरीक्षक नवीनकृष्ण भण्डारीले जानकारी दिए।</p>
<p> </p>
प्रतिक्रिया दिनुहोस्
.jpg)
