.jpg)
काँकडभिट्टा नाका एकतर्फी सञ्चालन हुँदा राेकियाे नेपालबाट निर्यात हुने चिया
<p>काठमाडौं। नेपालबाट भारततर्फ निर्यात हुँदै आएको चिया पूर्वीनाका काँकडभिट्टा भन्सारमा रोकिन थालेको छ।</p>
<p>भारतको पश्चिम बंगाल सरकारले काँकडभिट्टा नाकालाई एकतर्फीरूपमा सञ्चालन गर्दा यहाँबाट निर्यात हुँदै आएको चिया रोकिएको हो।</p>
<p>खासगरी, बंगाल सरकारले कोरोना भाइरस (कोभिड-१९) संक्रमणको जोखिमका कारण नेपाल, भुटान र बंगलादेशसँग जोडिएका भन्सार नाका सिल गरेको थियो।</p>
<p>तर, नेपालले नाका खोल्न उच्चस्तरीय पहल गरेपछि बंगाल सरकारले एकतर्फीरूपमा नाका सञ्चालनमा ल्याएको थियो।</p>
<p>त्यसरी एकतर्फीरूपमा सञ्चालनमा आएको नाकाबाट सामान बोकेका मालवाहक सवारीसाधन नेपालतर्फ मात्र आउन पाउने व्यवस्था गरिएको थियो।</p>
<p>तर, नेपाल छिरेका सवारीसाधान अर्कै नाकाबाट भारततर्फ जान पर्ने व्यवस्था गरिँदा काँकडभिट्टा नाकाबाट निर्यात हुँदै आएको चिया/कफीको निर्यात समेत प्रभावित बनेको हो।</p>
<p>झापा, इलाम, पाँचथरलगायतका जिल्लामा उत्पादित चिया/कफी निर्यातमा अवरोध सिर्जना भएको भन्दै उद्योग वाणिज्य तथा आपूर्ति मन्त्रालयले सहजीकरणका लागि भारतलाई औपचारिक पत्र लेखेको छ।</p>
<p>मन्त्रालयले विगतदेखि विनाअवरोध निर्यात हुँदै आइरहेको चिया लकडाउनकाे कारण निर्यात नभएको बताउँदै निर्यातमा सहजीकरण गरिदिन अनुरोध गरेको छ।</p>
<p>वाणिज्य सचिव डा. वैकुण्ठ अर्यालले भारतलाई पत्र लेखिएको पुष्टि गरे। उनले भने, “नाकामा अवरोध भएको जानकारी आएपछि सहजीकरणका लागि पत्र काटेका छौं।”</p>
प्रतिक्रिया दिनुहोस्
.jpg)
