घुस लिएको आरोपमा कञ्चनपुरका प्रहरी जवान पक्राउ
<p>कञ्चनपुर। कञ्चनपुरको गड्डाचौकी नाकामा कार्यालय समयमै रहेको बेला भारतबाट सामान ढुवानी गर्ने सेवाग्राहीबाट पाँच हजार रूपैयाँ घुस लिएको आरोपमा इलाका प्रहरी कार्यालय गड्डाचौकीमा कार्यरत प्रहरी जवान दीपक चौधरी पक्राउ परेका छन्।</p>
<p>अख्तियार दुरुपयोग अनुसन्धान आयोगबाट खटिएको टोलीले उनलाई आज पक्राउ गरेकाे हाे।</p>
<p>भारतबाट सामान ढुवानी गरिरहेका सेवाग्राहीबाट भन्सार मिलाइदिन्छु भनी चाैधरीले रकम लिएको अख्तियारको दाबी छ।</p>
<p>अख्तियार दुरुपयोग अनुसन्धान आयोग कञ्चनपुरका प्रवक्ता टोपबहादुर विष्टले पक्राउ परेका प्रहरी जवान चौधरीलाई थप अनुसन्धानका लागि आयोगको केन्द्रीय कार्यालय पठाउने जानकारी दिए। <em>रासस</em></p>
प्रतिक्रिया दिनुहोस्
.jpg)
