चावहिलमा घर भत्कँदा घाइते भएका तामाङकाे मृत्यु
<p>काठमाडाैं। चावहिलदेखि चुच्चेपाटी जाने बाटो नजिकै मूल सडकमा रहेको एक पुरानो घर भत्किँदा घाइते भएका कामदार दीपक तामाङकाे मृत्यु भएकाे छ।</p>
<p>तामाङकाे उपचारका क्रममा पाैने ६ बजेतिर मृत्यु भएकाे महानगरीय प्रहरी वृत्त गाैशालाका डीएसपी प्रदीपकुमार सिंहले जानकारी दिए।</p>
<p>अर्का घाइते पैदल यात्री रामबहादुर कुँवरकाे अवस्थामा भने सामान्य रहेकाे उनकाे भनाइ छ।</p>
<p>प्रहरीका अनुसार घर भत्काउने क्रममा छतमा खुट्टाले टेक्दा छतसहित तामाङ खसेका थिए।</p>
<p>घरधनी गोविन्द श्रेष्ठले पुरानो मोडलको घर भत्काएर नयाँ बनाउन भत्काउने ठेक्का दिएर काम गराइरहेका थिए ।</p>
<p>चारतले घर एकदमै पुरानाे र इँटा, काठले बनेकाे थियाे।</p>
<p><strong>पढ्नुहाेस्ः</strong></p>
<p><a href="https://dekhapadhi.com/news/1329" target="_blank">चावहिलमा घर भत्काउने क्रममा दुईजना घाइते, एकको अवस्था गम्भीर</a></p>
प्रतिक्रिया दिनुहोस्
.jpg)
