उद्योग मन्त्रालयले भन्याे- ‘सीमा विवादका कारण भारतले चिया राेकेकाे हाेइन’
<p>काठमाडौं। उद्योग, वाणिज्य तथा आपूर्ति मन्त्रालयले सीमा विवादका कारण भारतले चिया निर्यातमा अवरोध नगरेको बताएको छ।</p>
<p>भारतले काँकडभिट्टा भन्सार नाकाबाहेक अन्य नाकाबाट चिया निर्यातमा कुनै अवरोध नगरेको मन्त्रालयकाे भनाइ छ।</p>
<p>उद्योग राज्यमन्त्री मोतीलाल दुगडले भारतले चिया निकासीमा कुनै पनि अवरोध नगरेको बताए। कोरोना भाइरसको संक्रमण जोखिमका कारण काँकडभिट्टा नाका एकतर्फीरूपमा सञ्चालनमा छ।</p>
<p>तर, नाका एकतर्फीरूपमा सञ्चालनमा ल्याउन सीमा विवादको विषय चर्किएको थिएन्। मन्त्री दुगडले भने, “काँकडभिट्टा नाकाबाट केही अवरोध भएको हो। कोरोना भाइरसलाई कारण देखाउँदै त्यहाँबाट चियामात्र नभई कुनै पनि वस्तु भारततर्फ जाँदैनन्।”</p>
<p>उक्त नाकाबाट नगए पनि अन्य नाकाबाट भारततर्फ नेपाली चिया निर्यात भइरहेको दुगडको भनाइ छ।</p>
<p>हाल भारतको प्रान्तीय सरकार पश्चिम बंगालले काँकडभिट्टा नाका एकतर्फीरूपमा मात्रै सञ्चालनमा ल्याएको छ।</p>
<p>सोहीकारण काँकडभिट्टा नाकाबाट कुनै पनि सामान भारततर्फ जाँदैन।</p>
प्रतिक्रिया दिनुहोस्
.jpg)
