कोरोना सुरक्षा सामग्री खरीदमा १० प्रतिशत छुट
<p>काठमाडौं। एनआईसी एशिया बैंक र मोबाइल एप रिचार्जरबीच कोरोना संक्रमणको जोखिम न्यूनिकरणको लागि प्रयोग हुने स्वास्थ्य सामग्री खरीदमा छुट दिने सम्झौता भएको छ।</p>
<p>सम्झौता अनुसार अब बैंकका ग्राहकले रिचार्जरबाट सामान किनेर क्यू आर कोड, डेविट कार्ड तथा क्रेडिट कार्डबाट रकम भुक्तान गर्दा १० प्रतिशत छुट पाइने छ।</p>
<p>दुई कम्पनीबीच भएको सम्झौतापछि बैंकका ग्राहकहरूले मे महीना भरी रिचार्जरको माध्यमबाट कोरोना सुरक्षाका सामान किन्दा थप १० प्रतिशत छुटको व्यवस्था गरिएको छ।</p>
<p>रिचार्जरबाट जारी भएको विज्ञप्तिमा भनिएको छ, “अर्डर भएको सामानको महशुल भुक्तान भएपछि १० प्रतिशत रकम खातावालाको बैंक खातामा फिर्ता हुनेछ।”</p>
<p>हाल रिचार्जरले नि:शूल्क होम डेलिभरीसहीत के एन ९५ मास्क उपलब्ध गराउँदै आएको छ।</p>
<p>यस्तै, सामाजिक उत्तरदायित्व अन्तर्गत रिचार्जरले अलिबाबा, अमेजन लगायतका प्लेटर्ममा भन्दा पनि सस्तो मूल्यमा मास्क उपलब्ध गराइरहेको कम्पनीले बताएको छ।</p>
<p>त्यसैगरी, कम्पनीले मास्क, पञ्जा, थर्मल गन, स्यानिटाइजर, व्यक्तिगत सुरक्षाका सामग्रीहरू बिक्री वितरण गर्दै आएको छ।</p>
प्रतिक्रिया दिनुहोस्
.jpg)
