राष्ट्रिय युवा परिषद्को कार्यकारी उपाध्यक्षमा पुन: ढुङ्गेल नियुक्त
<p>काठमाडौं। राष्ट्रिय युवा परिषद्को कार्यकारी उपाध्यक्षमा माधवप्रसाद ढुङ्गेल पुनः नियुक्त भएका छन्।</p>
<p>हिजो, १२ जेठमा प्रधानमन्त्री निवास बालुवाटारमा बसेको मन्त्रिपरिषद् बैठकले उनलाई चार वर्षका लागि नियुक्त गरेको हो।</p>
<p>ढुङ्गेल यसअघि १९ फागुन २०७२ मा चार वर्षका लागि नियुक्त भएका थिए। गत १८ फागुनमा उनको कार्यकाल सकिएपछि परिषद्का कार्यकारी उपाध्यक्षको पद रिक्त थियो।</p>
<p>युवा तथा खेलकुद मन्त्रालयका सचिवको संयोजकत्वमा गठित दुई विज्ञसहितको सिफारिस समितिले उनलाई नियुक्तिका लागि सिफारिस गरेको थियो।</p>
<p>नवनियुक्त कार्यकारी उपाध्यक्ष ढुङ्गेलले आगामी कार्यकालमा युवालाई स्वरोजगार बनाइ आत्मनिर्भर बनाउनेतर्फ आफ्नो ध्यान केन्द्रित हुने बताएका छन्।</p>
<p>ढुङ्गेल तत्कालीन नेकपा (एमाले) को विद्यार्थी संगठन अनेरास्ववियुका पूर्वकेन्द्रीय अध्यक्षसमेत हुन्।</p>
<p>सरकारले २०७२ सालमा युवा क्षेत्रमा काम गर्न परिषद् गठन गरेको थियो। <em>रासस</em></p>
प्रतिक्रिया दिनुहोस्
.jpg)
