५५ जिल्लामा स्वास्थ्य बीमा कार्यक्रम
<p>काठमाडौं। आर्थिक वर्ष २०७६/७७ को फागुन महीनासम्ममा देशका ५५ जिल्लामा स्वास्थ्य बीमाको कार्यक्रम पुगेको छ।</p>
<p>अर्थमन्त्री डा. युवराज खतिवडाले आज प्रतिनिधि सभामा आर्थिक सर्वेक्षण सार्वजनिक गर्दै ती जिल्लाको ५०५ स्थानीय तहमा स्वास्थ्य बीमाका कार्यक्रम पुगेको बताए।</p>
<p>जसबाट वैदेशिक रोजगारीमा जानेहरूसहित कूल जनसंख्याको २६ प्रतिशत बीमाको पहुँचमा आएका छन्।</p>
<p>वैदेशिक रोजगारीमा जानेबाहेक २२ प्रतिशत जनसंख्यामा बीमाको पहुँच पुगेको खतिवडाले जानकारी दिए।</p>
<p>स्वास्थ बीमाका कार्यक्रमको पहुँच पुगेको कूल जनसंख्याको २५ प्रतिशत संख्या गरीबहरूको रहेको छ।</p>
<p>त्यसैगरी, झण्डै तीन लाख ज्येष्ठ नागरिकले निःशुल्क स्वास्थ बीमा प्राप्त गरेका छन्।</p>
प्रतिक्रिया दिनुहोस्
.jpg)
