आर्थिक वृद्धिदर २.३ प्रतिशत मात्र हुने सरकारको अनुमान
<p>काठमाडौं। सरकारले चालू आर्थिक वर्षमा आर्थिक वृद्धिदर २.३ प्रतिशतमा सीमित हुने आकलन गरेको छ।</p>
<p>अर्थमन्त्री डा. युवराज खतिवडाले आज संघीय संसदको प्रतिनिधि सभामा चालू आर्थिक वर्षको आर्थिक सर्वेक्षण पेश गर्दै आर्थिक वृद्धिदर २.३ प्रतिशतमा सीमित हुने बताएका छन्।</p>
<p>सरकारले चालू आर्थिक वर्षमा ७.५ प्रतिशत आर्थिक वृद्धिको लक्ष्य लिएको थियो। कोरोना महामारीका कारण अर्थतन्त्र शिथिल भएपछि सरकारको आर्थिक वृद्धिको लक्ष्य पनि प्रभावित भएको छ।</p>
<p>यसअघि २७ वैशाखमा सार्वजनिक गरेको राष्ट्रिय लेखा तथ्यांक सार्वजनिक गरेर चालू आर्थिक वर्षमा २.२७ प्रतिशत हुने प्रक्षेपण गरेको थियो।</p>
<p>त्यसैगरी, विश्व बैंकले सन् २०२० मा नेपालको आर्थिक वृद्धिदर १.५ प्रतिशतदेखि २.८ प्रतिशतबीच रहने प्रक्षेपण गरेको थियो।</p>
<p>त्यसैगरी, एशीयाली विकास बैंक (एडीबी)ले यस वर्षको आर्थिक वृद्धिदर ४.३ प्रतिशतदेखि ५.३ प्रतिशतको बीचमा रहने अनुमान गरेको थियो।</p>
प्रतिक्रिया दिनुहोस्
.jpg)
