अमेरिकी राष्ट्रपति ट्रम्पलाई ट्विटरले दियो ‘फ्याक्ट चेकिङ’चेतावनी
<p>वासिङ्टन। ट्विटरले पहिलो पटक अमेरिकी राष्‍ट्रपति डोनाल्ड ट्रम्पलाई एक ट्विटका लागि ‘फ्याक्ट चेकिङ लेबल’ दिएको छ। </p>
<p>राष्‍ट्रपति ट्रम्पले ट्विटमार्फत क्यालिफोर्नियाका गभर्नर गेभिन क्रिस्टोफर क्युसममाथि आरोप लगाउँदै मतपेटिकामा पनि भ्रष्‍टाचार हुने आरोप लगाएका थिए। क्यालिफोर्नियाका ४० औं गभर्नर क्युसम डेमोक्रेटिक पार्टीका सदस्य हुन्।</p>
<p>‘मतपेटिका लुटिन्छन्, जाली मतपत्र छापिन्छ, हस्ताक्षर पनि जालसाँजीपूर्ण हुन्छ,’ ट्रम्पले भनेका छन्, ‘देशको राष्‍ट्रपति हुनुका नाताले म त्यसो हुन दिन्नँ।’</p>
<p>उनको सोही ट्विटमा ट्विटरले चेतावनी लेबल पठाएको हो। राष्‍ट्रपति ट्रम्पको उक्त ट्विटमार्फत भ्रामक सूचना प्रवाह भएको ट्विटरको भनाइ छ।</p>
<p>ट्विटरको कदमपछि उनले त्यो आफ्नो स्वतन्त्र अभिव्यक्ति भएको र ट्विटरको उक्त कदम नस्वीकार्ने बताउँदै अर्को ट्विट गरेका छन्। “फेक न्युज छाप्‍ने अखबारहरूको भनाइमा लागेर ट्विटरले यो कदम उठाएको हो,” उनको दाबी छ।</p>
प्रतिक्रिया दिनुहोस्
.jpg)
