 and Doug Hurley.jpg)
निजी कम्पनीको यानमा अन्तरिक्ष यात्रामा निस्किँदै दुई खगोलविद्
<p>वासिङ्टन। आज राति अमेरिकाको फ्लोरिडास्थित केनेडी स्पेस सेन्टरबाट दुई खगोलविद् अन्तरिक्ष यात्राका लागि निस्किने तय भएको छ।</p>
<p>खगोलविद्द्वय डग हर्ले र बब बेन्केन निजी क्षेत्रको अन्तरिक्ष कम्पनी स्पेस-एक्सले बनाएको रकेटमा अन्तर्राष्‍ट्रिय स्पेस स्टेसन (आईएसएस)का लागि उड्ने तयारीमा छन्।</p>
<p>ग्रिनविच मिन टाइमअनुसार राति आठ बजेर ३३ मिनटमा उनीहरू सवार रकेट प्रक्षेपण गरिने अमेरिकी अन्तरिक्ष मिसन नासाले जनाएको छ।</p>
<p>अन्तरिक्ष यात्राको करिब ६ दशकको इतिहासमा पहिलोपटक एक व्यापारिक कम्पनीले बनाएको रकेटमा जडित क्याप्सुलमा हर्ले र बेन्केन आईएसएसमा पुग्दैछन्।</p>
<p>अन्तरिक्ष मिसनमा निजी क्षेत्रको सहभागिताका कारण उनीहरूको यात्रालाई ऐतिहासिक संज्ञा दिइएको छ।</p>
<p>खगोलविद्हरूको रकेट ‘फाल्कन-९’ र क्याप्सुल ‘ड्रयागन’ केनेडी स्पेसपोर्टको लोकप्रिय प्याड ‘कम्प्लेक्स ३९ ए’बाट गराइने विष्‍फोटपछि अन्तरिक्षतिर सोझिने छन्।</p>
प्रतिक्रिया दिनुहोस्
.jpg)
