संविधान संशोधन विधेयकको पक्षमा मतदान गर्ने राप्रपाको निर्णय
<p>काठमाडौं। राष्‍ट्रिय प्रजातन्त्र पार्टीले संविधान संशोधन विधेयकको पक्षमा मतदान गर्ने निर्णय गरेको छ।</p>
<p>राप्रपा केन्द्रीय सचिवालय प्रमुखहरू धुव्र बहादुर प्रधान र भास्कर भद्राद्वारा जारी संयुक्त हस्ताक्षरीत विज्ञप्तिमा निशान छाप परिवर्तन गर्न संसदमा पेश भएको संविधान संशोधन विधेयकलाई समर्थन गर्ने र विधेयकको पक्षमा मतदान गर्ने राप्रपाले निर्णय गरेको जानकारी गराइएको छ।</p>
<p>पार्टीका त्रय अध्यक्षहरूको बैठकले सो निर्णय गरेको विज्ञप्तिमा जनाइएको छ। एकिकरणपश्‍चात राप्रपाको अध्यक्षहरूमा पशुपतिशम्शेर जबरा, डा. प्रकाशचन्द्र लोहनी र कमल थापा छन्।</p>
<p>प्रतिनिधि सभाको आज दिउँसो २ बजे बोलाइएको बैठकमा बैठकमा कानून, न्याय तथा संसदीय मामिलामन्त्री डा. शिवमाया तुम्बाहाङ्फेले संविधान संशोधन विधेयक पेश गर्ने कार्यसूची छ।</p>
<p>भारतद्वारा अतिक्रमित भूभाग लिम्पियाधुरा, कालापानी र लिपुलेकसमेत समेटेर सरकारले ७ जेठमा जारी गरेको नेपालको पूर्ण नक्शालाई निशान छापमा समेत अद्यावधिक गर्नका लागि संविधान संशोधन गर्न लागिएको हो।</p>
<p>संविधानको अनुसूची ३ मा नेपालको निशान छाप कस्तो हुने भन्ने व्यवस्था छ। निशान छापको बीचमा नेपालको नक्शा छ।</p>
प्रतिक्रिया दिनुहोस्
.jpg)
