उद्योगमन्त्री भट्टकाे निर्देशन- ‘अनुत्पादक क्षेत्रका कम्पनी तत्काल हटाउनू’
<p>काठमाडौं। उद्योग, वाणिज्य तथा आपूर्तिमन्त्री लेखराज भट्टले बालाजु औद्योगिक क्षेत्रको निरीक्षण गरेका छन्।</p>
<p>उद्योग राज्यमन्त्री मोतिलाल दुगड र उद्योग सचिव चन्द्र घिमिरेसहितको टोलीले आज औद्योगिक क्षेत्रको निरीक्षण गरेको हो।</p>
<p>निरीक्षणका क्रममा बालाजु औद्योगिक क्षेत्रमा उत्पादनमूलकभन्दा व्यापारिक क्षेत्रका कम्पनीहरूको संख्या धेरै पाइएको छ।</p>
<p>उत्पादनमूलक उद्योग बाहेकका सबै कम्पनीलाई तत्काल हटाउनका लागि बालाजु औद्योगिक क्षेत्र व्यवस्थापन समितिलाई मन्त्री भट्टले निर्देशन दिएका छन्।</p>
<p>उनले भने, “पहुँचका आधारमा विगतमा उत्पादनमूलकभन्दा व्यापारिक कम्पनीहरूलाई औद्योगिक क्षेत्रमा सञ्चालनका अनुमति दिइएको थियो। अब ती सबैलाई हटाएर उत्पादनमूलक उद्योग ल्याउनुपर्छ।”</p>
<p>औद्योगिक क्षेत्रमा रहेका विभिन्न प्रकारका समस्यालाई तत्काल समाधान गर्न नसके बालाजु औद्योगिक क्षेत्र धरासायी हुने मन्त्री भट्टको भनाइ थियो।</p>
<p> </p>
प्रतिक्रिया दिनुहोस्
.jpg)
