गणतन्त्र दिवसमा राप्रपाको स्थापना दिवस
<p>काठमाडौं। राष्ट्रिय प्रजातन्त्र पार्टी आज ३० वर्ष पूरा गरी ३१ औं वर्षमा प्रवेश गरेको छ। संयोगवस, राप्रपाको स्थापना दिवस गणतन्त्र दिवसका दिन परेको छ।</p>
<p>पार्टी स्थापना दिवसमा सन्देश दिँदै राप्रपा अध्यक्ष कमल थापाले विगतमा आफूहरूबाट केही गम्भीर त्रुटि र कमजोरीहरू भएको उल्लेख गर्दै त्यसबाट पाठ सिकेर अब गल्ती नदोहोर्‍याउने बाचा गरेका छन्।</p>
<p>“स्थापनाकालदेखि पटक-पटक टुटफुटको शृंखलाबाट गुज्रेको राप्रपा अब कहिल्यै नफुटने बाचाबन्धनसहित एकताबद्ध भएको छ,” थापाको विज्ञप्तिमा उल्लेख छ।</p>
<p>देशमा प्रजातन्त्रमा विश्वास गर्ने वैकल्पिक राष्ट्रवादी शक्तिको आवश्यकता रहेको जिकिर उनले गरेका छन्। “फरक विचार, देशव्यापी संगठन र अग्निपरीक्षाबाट उत्तीर्ण नेतृत्व” भएका कारण राप्रपा देशले चाहेको वैकल्पिक शक्ति बन्‍न सक्ने उनको दाबी छ।</p>
प्रतिक्रिया दिनुहोस्
.jpg)
