गाँजा र चरेससहित ३ जना पक्राउ
<p>काठमाडौं। प्रहरीको लागुऔषध नियन्त्रण ब्यूरोले छ किलोग्राम ४०० ग्राम गाँजा र सात किलोग्राम चरेससहित ३ जनालाई पक्राउ गरेको छ।</p>
<p>लागुऔषध ओसारपसार कार्यमा संलग्न भएको आरोपमा छुट्टाछुट्टै ठाउँबाट पक्राउ परेका अच्युत त्रिपाठी, राजेन्द्रप्रसाद पाण्डे र सुरेन्द्र पाण्डेलाई ब्यूरोले आज सार्वजनिक गरेको हो।<br />
<br />
ब्यूरोका प्रहरी वरिष्ठ उपरीक्षक वसन्तकुमार लामाले पक्राउ परेका त्रिपाठीले अडियो म्युजिक सिस्टमभित्र लुकाएर काठमाडौँ महानगरपालिका-१६ मा रहेको डिलाइट होटलमा राखेको अवस्थामा त्रिपाठी र होटलका सञ्चालकद्वयलाई पक्राउ गरिएको जानकारी दिए।</p>
<p>त्रिपाठीले लागुऔषध लुकाएर राखेको अडियो म्युजिक सिस्टम फ्लाई दुवई एयरको कार्गोमार्फत क्यानडा हुँदै नेपाल भित्र्याएको अनुसन्धानमा खुल्न आएको प्रहरीले जनाएको छ।</p>
<p>पक्राउ परेका पाण्डेद्वय यसअघि पनि विदेशबाट लागुऔषध कारोबार गर्ने प्रहरीको अनुसन्धानमा खुलेको छ। </p>
<p>उनीहरुविरुद्ध लागुऔषध नियन्त्रण ऐन, २०३३ बमोजिम मुद्दा दर्ता गरी आवश्यक अनुसन्धान भइरहेको ब्यूरोले जनाएको छ। <em>रासस</em></p>
प्रतिक्रिया दिनुहोस्
.jpg)
