सरुवा रोग नियन्त्रण अस्पतालको पूर्वाधारमा साढे १२ अर्ब विनियोजन
<p>काठमाडौं। आगामी वर्ष सरकारले काठमाडौंमा ३०० शय्याको सरुवा रोग नियन्त्रण अस्पताल स्थापना गर्ने भएको छ।</p>
<p>साथै हरेक प्रदेशको राजधानीमा ५० शय्याका त्यस्तै अस्पताल स्थापना गर्ने जानकारी अर्थमन्त्री युवराज खतिवडाले गराए।</p>
<p>आज संसद्‌‌मा बजेट प्रस्तुत गर्दै अर्थमन्त्री खतिवडाले यो वर्ष स्वास्थ्य पूर्वाधार निर्माणका लागि १२ अर्ब ४६ करोड रकम विनियोजन गरेको जानकारी गराए।</p>
<p>त्यस्तै, स्थानीय तहमा २७२ वटा अस्पताल स्थापना गर्न पनि उनले बजेट छुट्याएका छन्। त्यसका लागि १४ अर्ब ७२ करोड रकम विनियोजन गरेका छन् ।</p>
<p>स्वास्थ्य बीमालाई आधारभूत स्वास्थ्य सेवा भन्दा बाहिर पनि विस्तार गर्ने भन्दै उनले त्यसका लागि साढे सात अर्व रकम विनियोजन गरेका छन्।</p>
<p>संघीय संसद्को जारी संयुक्त अधिवेशनमा उनले बजेट भाषण गरिरहेका छन्। </p>
प्रतिक्रिया दिनुहोस्
.jpg)
