नयाँ बजेट: एक प्रदेश एक पर्यटकीय गन्तव्य
<p>काठमाडौं। सरकारले पर्यटन क्षेत्रको पूर्वाधारका लागि एक अर्ब २६ करोड रुपैयाँ छुट्याएको छ।</p>
<p>आगामी आर्थिक वर्षको बजेटमा अर्थमन्त्री डा. युवराज खतिवडाले बजेट छुट्याएको जानकारी दिए।</p>
<p>कोभिड-१९ विश्‍वव्यापी महामारीका कारण धराशायी भएको पर्यटन क्षेत्रको विकासका लागि एक प्रदेश एक पर्यटकीय गन्तव्यका रूपमा विकास गर्दै लैजाने सरकारको योजना छ।</p>
<p>पर्यटन क्षेत्रमा आधारित कम्पनी तथा उद्योगहरुलाई कर शूल्क र ब्याज लगायतका क्षेत्रमा विषेश सुविधाको व्यवस्था गरिने अर्थमन्त्री खतिवडाले बताएका छन्।</p>
<p>यस कार्यक्रमबाट पर्यटनमा आधारित हवाई सेवा होटल, रेष्टुरेन्ट, ट्राभल एजेन्सी जस्ता पर्यटनमा आधारित कम्पनीको पुनःउत्थान हुने बताइएको छ।</p>
<p>त्यसैगरी, अर्थमन्त्री डा. युवराज खतिवडाले हिमाली तथा पहाडी क्षेत्रमा पर्यटकिय गन्तव्यको बिकास गर्न १ अर्ब २६ करोड रुपैयाँ बजेट व्यवस्था गरेका छन्।</p>
<p>संक्रमणको जोखिम नियन्त्रण हुनसाथ पर्यटनलाई पुनःउत्थान गर्न आवश्यक पूर्वाधार विकास गर्ने गरी बजेटको व्यवस्था गरिएको उनले बताएका छन्।</p>
<p>पर्यटक आवागमन, पद यात्र र हिमाल आरोहन थप व्यवस्थित गर्न नविन कार्यक्रम ल्याइने छ।</p>
<p>माध्यमिक तथभन्दा माथिको शिक्षामा पर्यटकीय विषय समावेश गरिने तथा धार्मिक पर्यटनलाई थप विकास गर्दै पशुपति र लुम्बिनी जस्ता क्षेत्रलाई सांस्कृतिक एवं पर्यटकीय क्षेत्रका रुपमा विकास गरिने छ।</p>
<p>पहाडी एवं हिमाली क्षेत्रका पद यात्रालाई थप विकास गर्दै पर्यटकलाई आकर्षण गरिने छ।</p>
<p>राष्ट्र सेवक कर्मचारी, निजी क्षेत्रका कर्मचारी एंव सर्वसाधारणलाई स्वदेश घुम्‍न प्रोत्साहन गरिनेछ।</p>
प्रतिक्रिया दिनुहोस्
.jpg)
