एक हजार ३०० मेगावाट विद्युत् थपिने
<p>काठमाडौं। आगामी आर्थिक वर्षमा राष्ट्रिय प्रसारण लाइनमा एक हजार ३०० मेगावाट विद्युत् थपिने भएको छ।</p>
<p>अर्थमन्त्री डा. युवराज खतिवडाले बजेट घोषणा गर्ने क्रममा आगामी वर्ष एक हजार ३०० मेगावाट विद्युत् थपिने उल्लेख गरे।</p>
<p>माथिल्लो तामाकोशी जलविद्युत आयोजनाबाट ४५६ मेगावाट, रसुवागढीबाट १११ मेगावाट, सान्जेनबाट ५७ मेगावाट र मध्य भोटेकोशी आयोजनाबाट १०२ मेगावाट विद्युत् थपिने भएको हो।</p>
<p>यसका साथै, निजी क्षेत्रका आयोजना सम्पन्न गरेर एक हजार ३०० मेगावाट विद्युत् राष्ट्रिय प्रसारण लाइनमा थप गर्ने लक्ष्य सरकारले लिएको हो।</p>
<p>यस्तै आगामी वर्षदेखि विद्युत निर्यात गर्न सक्ने गरी जलाशय र जलाशययुक्त आयोजना बनाइने बताइएको छ।</p>
प्रतिक्रिया दिनुहोस्
.jpg)
