पल्लो किँरात लिम्बूवान मोर्चाका ९ नेता पक्राउ
<p>इलाम। पल्लो किँरात राष्ट्रिय लिम्बूवान मोर्चाका ९ जना नेताहरूलाई आज इलाम प्रहरीले पक्राउ गरेको छ।</p>
<p>पक्राउ पर्नेमा मोर्चाका केन्द्रीय सचिव धनबहादुर विश्वकर्मा (धमला), महिला संघकी केन्द्रीय अध्यक्ष कविरमाया साँवा, मोर्चाका इलाम जिल्ला कमिटी अध्यक्ष विजय आङदम्बे, जिल्ला सचिव मनकुमार माखिम (लिम्बू), कोषाध्यक्ष मैतराज लिम्बू, सदस्यहरू कमल लकान्द्री, बृजराज चोङवाङ, अजाहाङ लिम्बू र हर्कप्रसाद नेङवाङ रहेका छन्।</p>
<p>विभिन्न ठाउँमा राखिएका राष्ट्रिय झण्डा हटाएर मोर्चाको झण्डा राख्ने तयारीमा रहेकै बेला बिहान करिब ९ बजेतिर पक्राउ गरिएको इलाम प्रहरीले जनाएको छ।<br />
मोर्चाले आफ्नो स्थापना दिवसको अवसरमा झण्डा राख्ने तयारी गरेको थियो। यस्ता कार्य नगर्ने कागज गराएर केहीबेरमा छाडिने इलाका प्रहरी प्रमुख एसपी हिराबहादुर पाण्डेले जानकारी दिए।</p>
<p> </p>
प्रतिक्रिया दिनुहोस्
.jpg)
