पूजा बोहराका बलात्कारीलाई सफाइ दिने पुनरावेदन अदालतकाे फैसला सर्वाेच्चले उल्ट्यायाे
<p>काठमाडौं। सर्वोच्च अदालतले बैतडीकी पूजा बोहरालाई बलात्कार गरेको अभियोग लागेका अमरराज अवस्थी र सागर भट्टलाई दोषी ठहर गरेको छ।</p>
<p>बैतडी सदरमुकाममा बसेर एसएलसी दिँदै गरेकी किशोरीलाई ९ चैत २०६८ मा अवस्थी र भट्टले बलात्कार गरेका थिए। </p>
<p>९ पुस २०६९ मा बैतडी जिल्ला अदालतले उनीहरूलाई दोषी ठहर गर्दै १३ वर्ष कैद र ५० हजार रूपैयाँ जरिवानाकाे फैसला गरेको थियो।</p>
<p>जिल्ला न्यायाधीश हिमालयराज पाठकको इजलासबाट भएकाे उक्त फैसला उल्ट्याउँदै तत्कालीन पुनरावेदन अदालत महेन्द्रनगरले उनीहरूलाई सफाइ दिएको थियो ।</p>
<p>सफाइ दिने न्यायाधीशहहरू नरबहादुर शाही र रमेश राजभण्डारीमध्ये शाहीलाई हालै न्याय परिषद्ले अर्काे एउटा घटनामा दाेषी पाउँदै बर्खास्त गरेको छ। </p>
<p>सर्वोच्च अदालतका न्यायाधीशद्वय सपना प्रधान मल्ल र हरि फुयाँलको इजलासले पुनरावेदन अदालतको फैसला उल्ट्याउँदै अवस्थी र भट्टलाई दोषी ठहर गरेको हो।</p>
<p>अब उनीहरूलाई कति सजाय गर्ने भन्ने निर्णय एक महीनाभित्र सर्वोच्चको यही इजलासले गर्नेछ। </p>
<p>नयाँ फौजदारी संहिताअनुसार दोषी ठहर भएपछि उनीहरूलाई हुने सजाय निर्धारण गर्न छुट्टै सुनुवाइ गर्नुपर्छ। त्यसैअनुरूप उनीहरूलाई सजाय निर्धारण गर्न फेरि अर्को सुनुवाइ हुनेछ । </p>
प्रतिक्रिया दिनुहोस्
.jpg)
