भन्सार महसुल बढेपनि पेट्रोल, डिजेल र मट्टितेलको मूल्य नबढ्ने
<p style="text-align: justify;">काठमाडौं। बजेटमार्फत पेट्रोलिय पदार्थको भन्सार दर बढाइए पनि मूल्य नबढ्ने भएको छ।</p>
<p style="text-align: justify;">अर्थमन्त्री डा. युवराज खतिवडाले बजेटमार्फत पेट्रोलियम पदार्थको भन्सार दर बढाएका थिए।</p>
<p style="text-align: justify;">सिमावर्ती क्षेत्रमा कारोबार सम्हाल्न र अव्यवस्थित कारोबारलाई व्यवस्थित गर्न सरकारले बजेटमार्फत पेट्रोलियम पदार्थको भन्सार दर बढाएको छ।</p>
<p style="text-align: justify;">अहिले नेपाल र भारतको बीचमा पेट्रोलियम पदार्थको करको दरमा धेरै फरक छ। त्यसकारण सीमापारीभन्दा नेपालमा सस्तोमा पेट्रोलियम पदार्थ पाइँदै आएको छ।</p>
<p style="text-align: justify;">अवस्था हेरेर झण्डै २० रुपैयाँदेखि ३० रुपैयाँसम्म सस्तो मूल्यमा नेपालमा पेट्रोलियम पदार्थ पाइदै आएको थियो।</p>
<p style="text-align: justify;">जसकारण, नेपालको सीमा क्षेत्रबाट पेट्रोलियम पदार्थ भारततर्फ चोरी निकासी हुने गरेको छ।</p>
<p style="text-align: justify;">सवारी साधान नै नेपाल ल्याएर पेट्रोलियम पदार्थ भारतर्फ लिएर जाने गरिएको थियो।</p>
<p style="text-align: justify;">यो अवस्थालाई सम्बोधन गर्न केही समयअघि पूर्वाधार करमा ५ रुपैयाँ थपेर पेट्रोलियम पदार्थमा लाग्ने करको दर १० रुपैयाँ बढाइएको थियो।</p>
<p style="text-align: justify;">त्यसरी पूर्वाधार कर बढाउँदा पनि सीमावारी (नेपाल) भारतमा भन्दा २२ रुपैयाँसम्म सस्तो छ।</p>
<p style="text-align: justify;">त्यो मूल्यलाई कम्तिमा १० रुपैयाँ बढ्ने गरी भन्सार दर बढाइएको छ। यति गर्दा पनि नेपाल आयल निगमको नाफा सहज स्थितिमा रहन्छ।</p>
<p style="text-align: justify;">त्यसकारण, निगमले भन्सार बढ्दासमेत मूल्य नबढ्ने गरी उपभोक्तालाई बिक्री वितरण गर्न सक्नेछ।</p>
<p style="text-align: justify;">यसका साथै, अन्तर्राष्ट्रिय मूल्यमा आएको गिरावटका कारणले समेत नेपालमा पेट्रोलियम पदार्थको मूल्य बढ्ने छैन।</p>
.jpg)
