नेपालगन्जमा आगलागी हुँदा तीन पसलमा क्षति
<p>बाँके। नेपालगन्जमा आगलागी हुँदा तीन पसलमा क्षति पुगेको छ।</p>
<p>आगलागीबाट वीपीचोकस्थित जनता सिरक सप्लायर्स, हिमालय फर्निचर उद्योग र रोशनी फर्निचर उद्योगका सामानहरू जलेर नष्ट भएको छ।</p>
<p>जनता सिरक सप्लायर्सबाट शुरु भएको आगलागीले अन्य दुई फर्निचर पसलमा समेत क्षति गरेको हो।</p>
<p>आज साँझ सवा ६ बजेबाट शुरु भएको आगलागी भर्खरै नियन्त्रणमा आएको छ।</p>
<p>आगलागी नियन्त्रणमा लिन बाँकेका ४ र बर्दियाका २ दमकलसहित नेपाल प्रहरी, नेपाली सेना र सशस्त्र प्रहरी खटिएका थिए।</p>
<p>आगलागीबाट भएको क्षतिको विवरण यकिन नभइसकेको बाँके प्रहरी प्रवक्ता शिवबहादुर सिंहले जानकारी दिए। उनले विद्युत सर्ट भई आगलागी भएको हुन सक्ने बताए।</p>
<p> </p>
प्रतिक्रिया दिनुहोस्
.jpg)
