नेकपाको सचिवालय बैठक बालुवाटारमा जारी, भीम रावलसहित परराष्ट्र र अर्थमन्त्री पनि सहभागी
<p>काठमाडौं। सत्तारूढ नेपाल कम्युनिष्ट पार्टीकाे केन्द्रीय सचिवालयकाे बैठक बालुवाटारमा बसिरहेकेा छ। </p>
<p>आजको बैठकमा स्थायी समिति सदस्य भीम रावल, परराष्ट्रमन्त्री प्रदीपकुमार ज्ञवाली र अर्थमन्त्री डा. युवराज खतिवडासमेत सहभागी छन्।</p>
<p>रावल र ज्ञवाली नेकपाले गठन गरेको एमसीसी कार्यदलका सदस्यहरू हुन्। आजको बैठकमा एमसीसी परियोजनालाई कसरी अगाडी बढाउने भन्रेबारे छलफल भइरहेको छ। </p>
<p>नेकपाका नेता झलनाथ खनालको संयोजकत्वको एमसीसी कार्यदलले तयार पारेको प्रतिवेदनमा छलफल केन्द्रित रहेकाे बताइएकाे छ।कार्यदलले एमसीसी अहिलकै अवस्थामा पारित गर्न नहुने सुझावसहितको प्रतिवेदन बुझाएको थियो।</p>
<p>सरकारले नीति तथा कार्यक्रम र बजेटमा समेत एमसीसी परियोजना समावेश गराएको भन्दै पार्टीका नेताहरूले सरकारकाे विरोध गरिरहेका छन्। एमसीसी परियोजना कार्यान्वयन गर्ने कि नगर्ने भन्नेबारे नेकपाभित्र तीव्र मतभेद छ। </p>
<p>संसदमा आर्थिक वर्ष ०७७/७८ का लागि पेश भएको बजेटमा लप्सीफेदी–रातामाटे–हेटौंडा र लप्सीफेदी–रातमाटे–दमौली–बुटवल ४०० केभी क्षमताको अन्तरदेशीय प्रसारण निर्माण गरिने उल्लेख छ। यी दुवै आयोजना एमसीसी अन्तर्गतका आयोजना हुन्।</p>
<p>नीति तथा कार्यक्रममा उठेका प्रश्नहरूको जवाफ दिँदै प्रधानमन्त्री केपी शर्मा ओलीले एमसीसी अनुमोदन गर्ने/नगर्ने संसदको हातमा भएको बताएका थिए । साथै एमसीसी अनुमोदन नभए पनि सरकार आफैंले अन्तरदेशीय प्रसारण लाइनमा लगानीमा लगानी गर्ने उनले बताएका थिए ।</p>
<p>बजेटमा भने अन्तर्राष्ट्रिय सहयाेग परिचालन अन्तर्गत एमसीसी अन्तर्गतकाे <a href="https://www.dekhapadhi.com/news/13966" target="_blank">करीब ६ अर्ब रूपैयाँ परिचालन गर्ने</a> भनिएकाे छ।</p>
प्रतिक्रिया दिनुहोस्
.jpg)
