प्रधानमन्त्री ओली अजरबैजानको बाकुमा
<p>काठमाडौं। प्रधानमन्त्री केपी शर्मा ओली असंलग्न राष्ट्रको १८औँ शिखर सम्मेलनमा सहभागि हुन गएराति अजरबेजानको राजधानी बाकु पुगिसकेका छन्। </p>
<p>आज र भोलि हुने सम्मेलनमा प्रधानमन्त्री ओलीले २१ सदस्यीय नेपाली प्रतिनिधिमण्डलको नेतृत्व गर्दै छन्।</p>
<p>बाकुस्थित हेयदार अलियेभ अन्तर्राष्ट्रिय विमानस्थलमा प्रधानमन्त्री ओली र प्रतिनिधिमण्डलका सदस्यहरुलाई अजरबैजानका उपप्रधानमन्त्री अली अहमादोभ, उपविदेशमन्त्री नादीर हुसेनोभ, परराष्ट्रमन्त्री प्रदीपकुमार ज्ञवाली, न्यूयोर्कस्थित संयुक्त राष्ट्रसङ्घका लागि नेपालका स्थायी प्रतिनिधि अमृत राईलगायतले स्वागत गरे।</p>
<p>प्रधानमन्त्री नेतृत्वको प्रतिनिधिमण्डलमा परराष्ट्रमन्त्री ज्ञवाली, प्रधानमन्त्रीका प्रमुख सल्लाहकार विष्णु रिमाल, परराष्ट्र मामिला सल्लाहकार डा. राजन भट्टराई, परराष्ट्र सचिव शङ्करदास वैरागी र परराष्ट्र मन्त्रालयका वरिष्ठ अधिकारीहरू रहेको परराष्ट्र मन्त्रालयले जनाएको छ।</p>
<p>प्रधानमन्त्री ओलीले सम्मेलनमा ‘समकालीन विश्वका चुनौतिहरूका लागि ठोस र पर्याप्त प्रतिक्रिया सुनिश्चित गर्न वाङडुङ सिद्धान्तको समर्थन’ विषयमा सम्बोधन गर्ने छन्।</p>
<p>प्रधानमन्त्री ओलीले बाकुमा रहँदा विभिन्न देशका राष्ट्राध्यक्ष÷सरकार प्रमुखसँग द्विपक्षीय भेटवार्ता गर्ने कार्यक्रम छ।</p>
<p>प्रधानमन्त्री नेतृत्वको प्रतिनिधिमण्डल कात्तिक १० गते स्वदेश फर्कने कार्यक्रम छ। <em>रासस</em></p>
प्रतिक्रिया दिनुहोस्
.jpg)
