भोलिको संसद् बैठकमा संविधान संशोधनको विधेयक पेश हुने
<p>काठमाडौं। भोलि, १८ जेठमा बस्ने प्रतिनिधि सभा बैठकमा संविधान संशोधनको विधेयक पेश गरिने भएकाे छ।</p>
<p>संघीय संसद सचिवालयले भोलि बस्ने प्रतिनिनिधि सभा बैठकको कार्यसूची निकालेको छ।</p>
<p>बैठकमा कानून, न्याय तथा संसदीय मामिलामन्त्री डा. शिवमाया तुम्वाहाङफेले नेपालको संविधान (दोस्रो संशोधन) विधेयक, २०७७ पेश गर्ने कार्यसूची छ।</p>
<p>संघीय संसद सचिवालयका महासचिव डा. भरतराज गौतमले जारी गरेको कार्यसूचीअनुसार विधेयक पेश गर्ने अनुमति माग्ने प्रस्ताव पेश गर्ने र विधेयक पेश हुनेछ।</p>
<p>यसअघि १४ जेठको संसद् बैठकमा नै संविधान संशोधन विधेयक पेश गर्ने कार्यक्रम थियो। तर, अन्तिम समयमा आएर रोकिएको थियो।</p>
<p>नेपाली कांग्रेसका सभापति शेरबहादुर देउवाले पार्टीको केन्द्रीय कमिटी बैठकबाट पास गर्नका लागि समय मागेपछि विधेयक रोकिएको थियो। </p>
<p>त्यस्तै भोलिको बैठकमा अर्थमन्त्री डा. युवराज खतिवडाले आर्थिक वर्ष २०७७/०७८ काे राजश्व र व्ययको वार्षिक अनुमानमाथि सामान्य छलफल गरियोस् भन्ने प्रस्ताव पेश गर्ने समेत कार्यसूची छ।</p>
प्रतिक्रिया दिनुहोस्
.jpg)
