रौतहट हत्याकाण्ड हुँदा त्यहाँ कार्यरत प्रहरी निरीक्षकहरूलाई सोधपुछका लागि बोलाइयो
<p>राैतहट। रौतहटमा १२ वर्षअघि भएको २२ जनाको सामूहिक हत्याकाण्डका समयमा अनुसन्धानमा खटिएका प्रहरी निरीक्षकहरूलाई अनुसन्धानका लागि थप सोधपुछ गर्न रौतहट बोलाइएको छ। </p>
<p>जिल्ला प्रहरी कार्यालय रौतहटले अनुसन्धानका क्रममा त्यसबेला कार्यरत प्रहरी अधिकृतहरूसँग पनि सोधपुछ गर्नुपर्ने आग्रह गरेपछि प्रहरी प्रधान कार्यालयले उनीहरूलाई रौतहट जान निर्देशन दिएको हो।</p>
<p>प्रहरी प्रधान कार्यालय स्रोतका अनुसार घटना भएलगत्तै अनुसन्धानमा खटिएका प्रहरी निरीक्षकद्वय इन्द्र सुवेदी र राजीव बस्नेतलाई रौतहट जिल्ला प्रहरी कार्यालयमा उपस्थित हुन भनिएको छ । रौतहट जिल्ला प्रहरीको आग्रहमा प्रदेश २ प्रहरीले प्रहरी प्रधान कार्यालयसँग उनीहरूलाई पठाइदिन आग्रह गरेको थियो।</p>
<p>प्रहरी स्रोतले २७ चैत २०६४ मा भएको घटनाबारे सोधपुछ गर्न उनीहरूलाई रौतहट पठाइएको जनाएको छ।</p>
<p>बस्नेत र सुवेदी दुवै अहिले प्रहरी नायव उपरीक्षक (डीएसपी) छन्।</p>
<p>प्रहरी प्रधान कार्यालयले रौतहट पुग्न निर्देशन दिए पनि बस्नेत अहिले देशबाहिर छन्।</p>
<p>तत्काल सुवेदी मात्रै रौतहट पुगेर त्यसबेलाको घटना अनुसन्धानबारे जानकारी दिने बताइएको छ।</p>
<p>रौतहट हत्याकाण्डका मुख्य आरोपी, पूर्वमन्त्री मोहम्मद अफताव आलमलाई रौतहट प्रहरीले हिरासतमा राखेर अनुसन्धान गरिरहेको छ।</p>
<p>२६ असोजमा पक्राउ परेका आलमलाई आज तेस्रोपटक थप ८ दिनका लागि हिरासतमा राखेर अनुसन्धान गर्न रौतहट जिल्ला अदालतले प्रहरीलाई अनुमति दिएको छ।</p>
<p>हत्याकाण्ड भएकै राति सुवेदी घटनास्थल पुगेका थिए। तर, उनलाई रातारात त्यहाँबाट सरुवा गरिएको थियो । त्यसबेला उनको स्थानमा राजीव वस्नेतलाई पठाइएको थियो।</p>
<p>२०६४ सालको पहिलो संविधानसभा निर्वाचन परिणाम आफ्नो पक्षमा पार्न बम बनाउन लागेको ठाउँमा विष्फोट हुँदा घाइते भएका दुईजना नेपाली र २० जना भारतीय नागरिकलाई भट्टीमा हालेर जलाएर मारेको आरोप आलममाथि छ। </p>
<p>रौतहट क्षेत्र नं. २ बाट प्रतिनिधिसभा सदस्यमा निर्वाचित आलम २६ असोजमा पक्राउ परेका हुन्। जिल्ला प्रहरी कार्यालय रौतहटका प्रमुख, एसपी भुपेन्द्र खत्रीले आलममाथिको अनुसन्धान जारी रहेको बताए।</p>
<p><strong>पढ्नुहाेस्ः</strong></p>
<p><a href="https://dekhapadhi.com/news/1405" target="_blank"><strong>रौतहट हत्याकाण्डका आरोपी आलमलाई थप ८ दिन थुनामा राखिने </strong></a></p>
<p><strong><a href="https://dekhapadhi.com/news/1273" target="_blank">रौतहट हत्याकाण्डका आरोपी आलमले के भने चार घण्टा लामो बयानमा ? (सवाल-जवाफसहित)</a></strong></p>
<p><strong><a href="https://dekhapadhi.com/news/1217" target="_blank">पूर्वमन्त्री आलमलाई म्याद थपका लागि अदालत पुर्‍याइयो </a></strong></p>
<p><strong><a href="http://https://dekhapadhi.com/news/1223">पूर्वमन्त्री आलमलाई थुनामा राख्‍न ५ दिन म्याद थप </a></strong></p>
<p><strong><a href="https://dekhapadhi.com/news/1039" target="_blank">पूर्वमन्त्री आलमलाई ७ दिन हिरासतमा राख्न अदालतको अनुमति </a></strong></p>
<p><strong><a href="https://dekhapadhi.com/news/1005" target="_blank">संसदले जारी गर्‍यो कांग्रेस सांसद आलम निलम्बनको सूचना</a></strong></p>
<p><strong><a href="https://dekhapadhi.com/news/968" target="_blank">सामूहिक हत्या आरोपको १२ वर्षपछि पक्राउ परे कांग्रेस सांसद आलम</a></strong></p>
प्रतिक्रिया दिनुहोस्
.jpg)
