जापानमा १८ लाख डलरको हीरा चोरी
<p>टोकियो (जापान)। जापानी प्रहरीले आज १८ लाख अमेरिकी डलरभन्दा बढीको चोरी भएको हीराको खोजीलाई तीव्र बनाएको छ।</p>
<p>यो हीरा राजधानी टोकियो बाहिर आयोजित गरगहना व्यापार प्रदर्शनीका क्रममा हराएको थियो।</p>
<p>टोकियोका प्रहरी प्रवक्ताले प्रदर्शन स्थलबाट चोरी भएको बहुमूल्य हीरा खोज्न प्रहरी परिचालन गरिएको जानकारी दिए।</p>
<p>योकोहामा शहरमा तीनदिने गरगहना प्रदर्शनीका क्रममा हीरा चोरिएको हो।</p>
<p>यो हीरा करिब ५० क्यारेटको थियो।</p>
<p>यहाँ जापान, रुस, चीन र अरु मुलुकका बहुमूल्य गरगहना प्रदर्शनमा राखिएका थिए।</p>
<p>जापानको सरकारी टेलिभिजन एनएचकेका अनुसार जापानी कम्पनीको यो हीरा चोरिएपछि प्रदर्शनी स्थलमा खैलाबैला भएको थियो। <em>(रासस-एएफपी)</em></p>
प्रतिक्रिया दिनुहोस्
.jpg)
