आईएसएसमा भित्रिए दुई खगोलविद्
<p>वासिङ्टन। निजी कम्पनीको अन्तरिक्ष मिसन सफल बनाउँदै दुई खगोलविद्हरू अन्तर्राष्‍ट्रिय स्पेस स्टेसन (आईएसएस)मा भित्रिएका छन्। </p>
<p>खगोलविदद्वय डग हर्लेर बब बेनकेन ग्रिनविच मिन टाइमअनुसार आइतबार अपराह्न दुई बजेर १६ मिनेट (नेपाली समय राति आठ बजेर एक मिनट) मा आईएसएसमा प्रवेश गरेका हुन्।</p>
<p>निजी क्षेत्रको कम्पनी ‘स्पेस-एक्स’ले निर्माण गरेको उनीहरू सवार क्याप्सुल ‘ड्रयागन’ शनिबार अमेरिकाको फ्लोरिडाबाट आईएसएसका लागि प्रक्षेपण गरिएको थियो।</p>
<p>पृथ्वीबाट चार सय २२ किलोमिटर टाढा चीनमाथिको अन्तरिक्षमा उनीहरू सवार क्याप्सुल आईएसएसमा ‘अट्याच’ भएको हो।</p>
<p>अमेरिकी अन्तरिक्ष एजेन्सी नासाको ‘सटल’ले अवकाश पाएयता नौ वर्षपछि अमेरिकाबाट अन्तरिक्षका लागि उड्ने पहिलो अन्तरिक्ष यात्री बनेका छन्, हर्ले र बेनकेन।</p>
प्रतिक्रिया दिनुहोस्
.jpg)
