सुदूरपश्चिम प्रदेश सरकारको नीति तथा कार्यक्रम आज
<p>कैलाली । सुदूरपश्‍चिम प्रदेश सरकारले आगामी आर्थिक वर्ष २०७७-०७८ का लागि वार्षिक नीति तथा कार्यक्रम आज ल्याउने भएको छ।</p>
<p>सुदूरपश्‍चिम प्रदेशका सभामुख अर्जुनबहादुर थापाले आज दिउँसो ४ बजे नीति तथा कार्यक्रम प्रदेशसभामा प्रस्तुत गर्ने कार्यसूची तय भएको बताए।</p>
<p>उनका अनुसार प्रदेश प्रमुख शर्मिलाकुमारी पन्तले प्रदेश सरकारको नीति तथा कार्यक्रम सदनमा प्रस्तुत गर्ने छिन्।</p>
<p>कोरोना भाइरसका कारणले सिर्जित अर्थतन्त्रको असहज अवस्थालाई चलायमान बनाउन आगामी वर्षको नीति तथा कार्यक्रममा स्वास्थ्य, कृषि, रोजगार र उद्योगलाई प्राथमिकतामा राखिएको आर्थिक मामिला तथा योजनामन्त्री झपटबहादुर बोहराले बताए।</p>
<p>सुदूरपश्‍चिम प्रदेश सरकारले आगामी वर्ष स्वास्थ्य, कृषि, रोजगार र उद्योगलाई प्राथमिकतामा राखेर नीति तथा कार्यक्रम ल्याउन लागेको जनाएको छ।</p>
प्रतिक्रिया दिनुहोस्
.jpg)
