प्रतिनिधिसभामा सीमा विवाद र रुकुम घटना छानविन माग
<p>काठमाडौं। प्रतिनिधिसभाको शून्य समयमा आज सांसदहरूले सीमा विवादको समाधान र रुकुम घटनाको छानविन माग गरेका छन्।</p>
<p>सांसद अतहर कमाल मुसलमानले लिम्यिाधुरा, लिपुलेक र कालापानीसमेतको नक्सा जारी गरेपछि सरकारले भूमिमाथिको स्वामित्व पनि ग्रहण गर्नुपर्ने बताए। दार्चुला-तिंकर सडकको ८७ किलोमिटर ट्रयाक खोल्ने काम अझै हुन नसकेको उनले औंल्याए।</p>
<p>सांसद गंगा चौधरी सतगैंयाले अनुदानसँग जमिन, स्वाभिमान र राष्‍ट्रियता साट्न नसकिने बताइन्।</p>
<p>सांसद घनश्याम खतिवडाले कूटनीतिक वार्ताबाट समस्या सुल्झाउन भारत तयार हुनुपर्ने बताए।</p>
<p>सांसद चन्दा चौधरीले रुकुम घटनाको विषयमा गृह मन्त्रालय मौन रहेको आरोप लगाइन्। </p>
<p>सांसद अभिषेकप्रताप साहले चीनले २० मेमा सगरमाथाको उचाइ नाप्‍न नेपालको समन्वयमा टोली पठाएको हो कि होइन भनी प्रश्‍न गरे।</p>
<p>सांसद अमरेशकुमार सिंहले विपद व्यवस्थापनको काम गृह मन्त्रालयले कार्यान्वयन गर्ने ऐनले निर्धारण गर्ने भए पनि सरकारले सेना परिचालन गरेकोप्रति असन्तुष्‍टि व्यक्त गरे। </p>
<p>सांसद अमृता थापाले सरकारले विदेशबाट नेपाली नागरिक ल्याउन गरेको निर्णयको स्वागत गरिन्।</p>
<p>सांसद उमाकान्त चौधरीले तराई क्षेत्रमा निर्माण भएका क्‍वारेन्टाइनहरू विश्‍व स्वास्थ्य संगठनको मापदण्डविपरीत रहेको उल्लेख गर्दै सोही कारण संक्रमणको दर बढेको औंल्याए।</p>
<p>सांसद उमा रेग्मीले सुत्केरी तथा डायलिसिस र केमोथेरापी गर्न गएका बिरामीलाई पीसीआर रिपोर्ट ल्याउन भन्दै फर्काउने अस्पतालहरूमाथि कारवाही गर्न माग गरिन्।</p>
<p>सांसद गगन थापाले संविधानले स्वतन्त्रता, समानता, आत्मसम्मान, बाँच्‍न पाउने, मर्यादित जीवन जिउन पाउने, छुवाछुत र भेदभावविरुद्धको हक र दलितको हक स्पष्‍ट उल्लेख गरे पनि रुकुम घटनाले लज्जित बनाएको बताए।</p>
<p>सांसद गौरीशंकर चौधरीले लकडाउनको समयमा आत्महत्याका घटना बढिरहेकोप्रति सरकारको ध्यानाकर्षण गराए।</p>
प्रतिक्रिया दिनुहोस्
.jpg)
