नेपाल एअरलाइन्सको तीनवटा जहाज आज हङकङ जाँदै
<p style="text-align: justify;">काठमाडौं। नेपाल एअरलाइन्सको तीनवटा जहाज आज एकैपटक हङकङ जाने भएको छ।</p>
<p style="text-align: justify;">नेपालमा रहेका हङकङका नागरिक र त्यहाँको स्थायी बसोबासको अनुमति पाएका नेपालीलाई लिएर नेपाल एअरलाइन्सका जहाज हङकङ जान लागेको हो।</p>
<p style="text-align: justify;">एउटा वाइडबडी र दुईवटा न्यारोबडी जहाजले हङकङको उडान गर्न लागेको नेपाल एअरलाइन्सकी प्रवक्ता अर्चना खड्काले बताइन्।</p>
<p style="text-align: justify;">न्यारोबडी दुईवटा जहाजमा करीब ३००ना र वाइडबडी जहाजमा २७१ जना यात्रु हङकङ जान लागेको खड्काले बताइन्।</p>
<p style="text-align: justify;">नेपाल एअरलाइन्सको तीनवटै जहाज आज राती साढे ८ बजेपछि हङकङको लागि प्रस्थान गर्ने उडान तालिका छ।</p>
<p style="text-align: justify;">दुईवटा न्यारोबडी जहाज हार्भेस्ट मुन ट्राभल एण्ड टुर्सले चार्टर्ड गरेको हो भने वाइडबडी जहाज हङकङकै ट्राभल एजेन्सीले चार्टर्ड गरेको खड्काले बताइन्।</p>
<p style="text-align: justify;">२२ जेठमा पनि नेपाल एअरलाइन्सको जहाज हङकङ जाने भएको छ।</p>
<p style="text-align: justify;"><strong>जापानमा फेरि दुई उडान </strong></p>
<p style="text-align: justify;">२२ जेठमै नेपाल एअरलाइन्सको वाइडबडी जापानको नारिताका लागि उड्ने तय भएको छ।</p>
<p style="text-align: justify;">काठमाडौंको दरबारमार्गमा रहेको सेरेना ट्राभल प्रालीले नेपाल एअरलाइन्सको जहाज चार्टर्ड गरेर जापान लैजान लागेको हो।</p>
<p style="text-align: justify;">सोही ट्राभलले २५ जेठमा पनि नेपाल एअरलाइन्सको जहाज चार्टर्ड गरेर नेपालीहरूलाई जापानको नारिता लैजान लागेको छ।</p>
<p style="text-align: justify;">यसअघि नेपाल एअरलाइन्सले लकडाउनकै बेला जापानको नारितामा चार वटा उडान गरिसकेको छ।</p>
.jpg)
