७० दिनदेखि व्यवसाय बन्द छन्, कसरी कर तिर्नुः व्यवसायी
<p>काठमाडौं । आन्तरिक राजश्‍व विभागले २५ जेठसम्म करदातालाई सम्पूर्ण कर तिर्न निर्देशन दिएपछि उद्योगी-व्यवसायीहरूले तिर्न नसक्ने प्रतिक्रिया दिएका छन् ।</p>
<p>उद्योगी पशुपति मुरारकाले लकडाउन अवधिमा पनि सञ्चालनमा रहेका उद्योग व्यवसायले समयमै कर तिरे पनि बन्द रहेकालाई समस्या हुने बताए।</p>
<p>उनले ट्विट गर्दै भनेका छन्, “बन्द रहेका उद्योग व्यवसायका लागि समय थप नगरिए उनीहरू थप समस्यामा पर्ने छन्।”</p>
<p>यस्तै, नेपाल उद्योग वाणिज्य महासंघका वरिष्‍ठ उपाध्यक्ष शेखर गोल्छाले ट्विट गर्दै लकडाउनका कारण ७० दिनदेखि व्यवसाय बन्द रहेकाले कर तिर्न नसक्ने बताएका छन्।</p>
<p>“बन्द रहेका उद्योग व्यवसायलाई राहत दिन नसके पनि आहत नदिइयोस्। लकडाउन खुकुलो बनाएर कारोबार सुरु भएपछि कर उठिहाल्छ,” उनले भने।</p>
प्रतिक्रिया दिनुहोस्
.jpg)
