द्वन्द्वकालमा बेवारिसे छाडिएका खोजेर बम डिस्पोज गराउन सांसदहरूको माग
<p>काठमाडौं। राष्ट्रियसभाको आजको बैठकमा सशस्त्र द्वन्दकालमा राखिएका बमहरू खोजेर डिस्पोजल गर्न सांसदले ध्यानाकर्षण गराएका छन्।</p>
<p>सांसद अनिता देवकोटाले १८ वैशाखमा रोल्पामा बेवारिसे बम विस्फोटबाट चार बालबालिकाको निधन भएको स्मरण गराइन्।</p>
<p>तत्कालीन नेकपा माओवादीले सशस्त्र विद्रोहका बेला लुकाएका बमहरूबाट जनता त्रसित भएको बताउँदै उनले तत्काल खोजी थाल्न आग्रह गरिन्। </p>
<p>‘‘लुकाइछिपाइ राखेका हातहतियार अहिले पनि पड्किने र जनता त्रसित हुने क्रम अहिलेसम्म रोकिएको छैन। अहिले माओवादी सरकारमा छ। र, सशस्त्र द्वन्द्वको नेतृत्वकर्ता अहिले गृहमन्त्री हुनुहुन्छ,” उनले भनिन्, “तसर्थ ज्ञान र जानकारीका आधारमा कुन कुन ठाउँमा बमहरू लुकाइएको छ भन्‍ने खोजी गरी डिस्पोज गर्न आग्रह गर्छु।’’</p>
<p>सांसद दिलकुमारी थापा रावलले लकडाउनको अवधिमा ५८ जना सुत्केरी र गर्भवतीको मृत्यु भएको विषयमा सरकारको ध्यानाकर्षण गराइन्।</p>
<p>सुत्केरी र गर्भवतीको क्‍वारेन्टाइनमै मृत्यु भएको विषयमा सरकारले सत्यतथ्य सदनमा जानकारी गराउनुपर्ने माग उनले गरिन्। </p>
<p>सांसद विमला राई पौडेलले विगतमा चेतना अभावमा गर्भवती र सुत्केरीको ज्यान जाने गरेकामा अहिले उपचार अभावमा मृत्यु हुने गरेको बताइन्।</p>
प्रतिक्रिया दिनुहोस्
.jpg)
