आज काग तिहार
<p>काठमाडौं। आज कागको पुजा गरेर काग तिहार मनाइँदैछ।</p>
<p>धार्मिक मान्यता अनुसार कागलाई यमराजको सन्देशवाहकको रुपमा लिई पूजा गरेर चोखो खानेकुरा दिने गरिन्छ।</p>
<p>कागले सबैलाई समान दृष्टिले हेर्छ भने यसले अन्नबालीमा लाग्ने कीरा-फट्याङग्राहरू खाइदिन्छ। </p>
<p>काग अर्थात सन्देश प्रवाहक प्राणी, काग करायो भनें केही सन्देश या पाहुना आउने जनाउका रुपमा नेपाली समाजमा लिने चलन अझै छ।</p>
<p>यमराजसमक्ष राम्रो खबर लगिदियोस् भनेर आजका दिन कागलाई मीठो खान दिई खुसी पार्ने गरिएको हो ।</p>
<p>आकाश मार्गबाट छिटो सन्देश ल्याउने लाने भएकाले यमराजले कागलाई आफ्नो दूत नियुक्त गरेको जनश्रुति अहिलेपनि रहेको छ।</p>
<p>तर, काग तिहारमा भने यी सवै नकारात्मक मान्यताहरुलाई विर्सिएर कागको पूजा गरिन्छ ।</p>
<p>कार्तिक कृष्ण त्रयोदशीकै दिन शुरु हुने यमपञ्चक भने यस वर्ष तिथिको घटबढका कारण हिजो बेलुकीदेखि नै शुरु भएको छ ।<br />
</p>
प्रतिक्रिया दिनुहोस्
.jpg)
