कर तिर्ने समय असार मसान्त पुर्याउन उद्योग वाणिज्य महासंघको माग
<p>काठमाडौं। नेपाल उद्योग वाणिज्य महासंघले कर तिर्ने समय असार मसान्तसम्म कायम गर्न माग गरेको छ।</p>
<p>महासंघले आयकर, मूल्य अभिवृद्धि कर र अन्त:शूल्कको विवरण तथा कर रकम बुझाउने म्याद बढाएर असार मसान्तसम्म पुर्‍याउन सरकारसँग माग गरेको हो।</p>
<p>आन्तरिक राजश्‍व विभागले २० जेठमा सूचना निकाल्दै २५ जेठभित्र कर तिरिसक्न निर्देशन दिएपछि व्यवसायीहरूले उक्त समयमा तिर्न नसक्ने बताउँदै आएका छन्।</p>
<p>महासंघका महानिर्देशक धरणीधर खतिवडाले अर्थमन्त्रालयलाई पत्र बुझाउँदै कर तिर्ने समय असार मसान्तसम्म पुर्‍याउन माग गरेका हुन्।</p>
<p>अर्थमन्त्रालयलाई लेखिएको पत्रमा भनिएको छ, “लकडाउनका कारण आर्थिक कारोबार, उत्पादन, वितरण लगायत आपूर्ति प्रणाली अत्यन्त कठिन अवस्थाबाट गुज्रिरहेको छ।” सोहीकारण, अहिले कर विवरण र कर रकम बुझाउन नसकिने महासंघले उल्लेख गरेको छ।</p>
प्रतिक्रिया दिनुहोस्
.jpg)
