अब चितवनसम्म पाइपबाटै डिजेल र ग्यास
<p>काठमाडौं। भारतबाट पाइपलाइनमार्फत अमलेखगन्जसम्म डिजेल आयात शुरू गरेको नेपाल आयल निगमले खाना पकाउने ग्यास पनि पाइपलाइनबाट ल्याउने भएको छ। </p>
<p>भारत मेतीहारीबाट चितवनसम्म खाना पकाउने ग्यास ल्याउन पाइपलाइन निर्माण गर्न निगम र इन्डियन आयल कर्पोरेसन (आइओसी) बीच सहमति भएको छ।</p>
<p>मोतीहारी–अमलेखगन्ज पेट्रोल पाइपलाइन चितवनसम्म विस्तार गर्ने सहमति पनि दुवै पक्षबीच भएको छ।</p>
<p>करीब २५ अर्ब रूपैयाँ लागतमा ग्यास, पेट्रोलियम पाइपलाइन र भण्डारणस्थल निर्माण गरिनेछ।</p>
<p>निगमका प्रबन्ध निर्देशक सुरेन्द्रकुमार पौडेलका अनुसार ग्यास र पेट्रोलियम पदार्थ ढुवानीका लागि चितवनसम्म पाइपलाइन विस्तार गर्ने सहमति आइओसीसँग भएको हो।</p>
<p>“पाइपलाइन निर्माण गर्न सहमति भएपछि संयुक्त रूपमा विस्तृत अध्ययन प्रतिवेदन तयार गरेका छौं,” उनले भने, “अब जिटुजी गरेपछि निर्माण प्रक्रिया अघि बढ्नेछ।</p>
<p>आजको नागरिक दैनिकमा छापिएको समाचार अनुसार उद्योग वाणिज्य तथा आपूर्तिमन्त्री मातृका यादवले आज पाइपलाइन विछ्याउने रुटमा औपचारिक प्वाइन्ट पिलर गाड्ने छन्। <br />
</p>
प्रतिक्रिया दिनुहोस्
.jpg)
