इन्जिनियरसहित २ जना घुस रकमसहित पक्राउ
<p>काठमाडौं। अख्तियार दुरुपयोग अनुसन्धान आयोगको टोलीले प्रदेश ५ अन्तर्गतको शिक्षा विकास निर्देशनालय बुटवल रुपन्देहीका दुई जनालाई घुससहित पक्राउ गरेको छ।</p>
<p>पक्राउ पर्नेमा निर्देशनालयमा कार्यरत् सबइन्जिनियर सन्दिप पौडेल र जेसीभी चालक बिक्रम बस्नेत छन्।</p>
<p>सेवाग्राहीबाट लिएको एक लाख २० हजार रुपैयाँसमेत उनीहरुबाट बरामद गरिएको अख्तियारले आज जारी गरेको विज्ञप्तिमा उल्लेख छ।</p>
<p>अख्तियारका अनुसार जेसीभी चालक बस्नेतलाई घुस रकम लिन प्रयोग गरिएको हो।</p>
<p>विद्यालयको भवन निर्माण कार्य सम्पन्न भएर अन्तिम किस्तावापतको रकम बिद्यालयको खातामा निकासा गर्ने सिलसिलामा बिभिन्न बहाना बनाई सेवाग्राहीसँग घुस मागेको सूचनाको आधारमा उनीहरुलाई बुटवल उप-महानगरपालिका वडा नं. २, स्थित उजिरसिंह टोलबाट नियन्त्रणमा लिइएको हो। <br />
</p>
प्रतिक्रिया दिनुहोस्
.jpg)
