जिउँदो कुखुराको मूल्य प्रतिकिलाे २६० पुग्यो, उपभाेक्ता मूल्य ३६० पुग्ने संकेत
<p>काठमाडौं। बजारमा कुखुराको अभाव बढेपछि जिउँदो कुखुराको मूल्य बढेर प्रतिकिलाे २६० रूपैयाँ पुगेको छ।</p>
<p>मागअनुसारको उत्पादन हुन नसकेपछि कृषकहरूले नै कुखुराको मूल्य बढाएका हुन्। जसअनुसार, अब कुखुरा पाल्ने कृषकले नै प्रतिकिलाे २६० रूपैयाँ पाउन थालेका छन्।</p>
<p>नेपाल पोल्ट्री महासंघका अध्यक्ष गुणचन्द्र विष्टले भने, “यसअघि कृषकले प्रतिकिलाे १८० देखि २२० रूपैयाँसम्म पाउँदै आएका थिए। तर, अहिले मूल्य बढेर प्रतिकिलाे २६० रूपैयाँ कृषकले पाउन थालेका छन्।”</p>
<p>नेपाल ह्याचरी संघका अध्यक्ष टीका पोखरेलले कुखुरापालक कृषकले फार्ममा पाउने मूल्यमा १०० रूपैयाँ बढाएर उपभाेक्ताललाई बेच्ने गरिएकाे बताए।</p>
<p>कृषकले बेच्ने मूल्य २६० मा १०० रूपैयाँ थप गरेर बेच्दा उपभोक्ता मूल्य प्रतिकिलाे ३६० रूपैयाँसम्म पुग्ने बताइएको छ।</p>
<p>उनका अनुसार, लकडाउनका कारण कुखुराको बिक्री घटेपछि कृषकले कुखुराको उत्पादन घटाएका छन्।</p>
प्रतिक्रिया दिनुहोस्
.jpg)
