चन्द समूहकी पोलिटब्यूरो सदस्य उमा भुजेल पक्राउ
<p style="text-align: justify;">काठमाडौं। सरकारले प्रतिबन्ध लगाएको नेत्रविक्रम चन्द तेतृत्वको नेकपाकी पोलिटब्यूरो सदस्य उमा भुजेल पक्राउ परेकी छिन्।</p>
<p style="text-align: justify;">उनलाई केहीदिन अघि जिल्ला प्रहरी कार्यालय कैलालीले पक्राउ गरेको थियो।</p>
<p style="text-align: justify;">भुजेलविरुद्ध गोरखामा सार्वजनिक शान्ति विरुद्धको मुद्दा दर्ता भएकाले उनलाई हिजो नै गोरखा पठाइएको थियो।</p>
<p style="text-align: justify;">कैलालीबाट आज गोरखा ल्याएपछि जिल्ला प्रहरी कार्यालयले उनलाई जिल्ला अदालतमा उपस्थित गराएको छ।</p>
<p style="text-align: justify;">कैलालीबाट आज ल्याइएको र आजै आवश्यक कानूनी प्रक्रियाका लागि जिल्ला अदालत गोरखा उपस्थित गराइएको गोरखाका एसपी ओमप्रसाद अधिकारीले बताए। </p>
<p style="text-align: justify;">“उनीमाथी मुद्दा चलिरहेको थियो। पक्राउपछि हामीले कानूनी प्रक्रियाका लागि अदालतमा उपस्थित गराएका छौं”, उनले भने, “बाँकी कुरा अदालतको विषय रह्यो।”</p>
.jpg)
