कतै स्मार्ट होम डिभाइसले जासूसी त गरिरहेको छैन ?
<p>लन्डन। प्रविधिले मानिसको जिन्दगी सहज बनाइदिएको छ। तर, त्यही प्रविधि प्रयोगकर्ताकै विरुद्ध प्रयोग हुने जोखिम पनि उत्तिकै छ।</p>
<p>स्मार्ट डिभाइसहरूमा जडित विभिन्न प्रकारका सेन्सर प्रयोगकर्ताको जासुसीमा प्रयोग हुने जोखिम अत्यधिक छ। इन्टरनेटको माध्यमबाट चल्ने डिभाइसहरू जासूसीमा प्रयोग हुने आशंकामा कतिपयले अहिले पनि तिनलाई जासूस संज्ञा दिने गरेका छन्।</p>
<p>एक अध्ययनका अनुसार स्मार्ट डिभाइसहरूले घरेलु हिंसालाई बढावा दिइरहेका छन्। र, सम्बन्धहरूमा तिक्तता बढाइरहेका छन्।</p>
<p>खासगरी, स्मार्टफोनको प्रयोग सबैभन्दा ज्यादा जोखिमपूर्ण रहेको र मानिसको वैयक्तिक जीवन पूर्ण रूपमा समाप्त बनाइदिएको अध्ययनको निष्‍कर्ष छ। स्मार्टफोनमार्फत व्यक्तिले थाहै नपाई उसको जासूसी भइरहेको हुन सक्छ।</p>
<p>धेरै बाबु-आमाले आफ्ना सन्तानमाथि नजर राखिराख्‍न यस्ता डिभाइसहरूको प्रयोग गरिरहेका हुन्छन्। घर-घरमा जडित क्यामेराले बाहिरका मानिसको मात्र होइन, परिवारकै सदस्यहरूमाथि पनि निगरानी राखिरहेका हुन्छन्।</p>
<p>घरमा को आयो, कुन कोठामा गयो, कतिबेर बस्योलगायत जानकारी त्यस्ता क्यामेराले दिइरहेका हुन्छन्। परिवारकै सदस्य पनि कतिबेला घरबाट निस्र्कि, कतिबेला फर्केलगायत जानकारी लिन पनि ती क्यामेरा प्रयोग हुन सक्छन्।</p>
<p>घरमा इन्टरनेटबाट चल्ने ताल्चा लगाइएको छ भने घरबाहिरै बसेर पनि कसैलाई घरमै बन्द गर्न सकिन्छ। यस्ता स्मार्ट डिभाइस बनाउनेहरूले तीमार्फत एकअर्काको जिन्दगी नियन्त्रित हुन सक्छ भनेर सोचेका पनि थिएनन् होला।</p>
<p>बेलायमा रोस केयर्न्स नामक व्यत्तिले घरमा तापमान नियन्त्रित गर्ने माइक्रोफोन ट्याब्लेटबाट आफ्नी पत्‍नीको जासूसी गरेको सार्वजनिक भएको थियो। उनलाई पछि ११ महीनाको जेल सजायँ भएको थियो।</p>
<p>बीबीसीका अनुसार घरका कुनै एक व्यक्तिसँग स्मार्ट डिभाइसको नियन्त्रण छ भने बाँकी सदस्यको व्यक्तिगत जीवन नियन्त्रित छ भनेर बुझे हुन्छ।</p>
<p>जानकारहरूको भनाइमा अन्तर्राष्‍ट्रिय स्तरमा घरेलु हिंसा हाम्रो कल्पनाभन्दा बाहिर छ, जो एक भाइरसको जस्तै फैलिएको छ।</p>
<p>साइबर सुरक्षासम्बन्धी विज्ञहरूको भनाइमा आफ्नो पार्टनरको मोबाइलमा म्यासेज हेर्ने, फोनको लोकेसन ट्रयाक गर्ने र पार्टनरको क्यामेरामा प्रवेश गर्नेवाला डिभाइसको प्रयोग ३५ प्रतिशतले बढेको छ।</p>
<p>जासूसी गर्न चाहने मानिसले प्रयोगकर्ताको मोबाइलमा थाहै नपाई यस्ता एप हालिदिएका हुन्छन्।</p>
<p>प्रविधि मानिसको जिन्दगी सहज बनाउनका लागि विकास गरिएको हो। त्यसैले तिनको उपयोग त्यही सकारात्मक सोचका साथ गर्नुपर्छ।</p>
प्रतिक्रिया दिनुहोस्
.jpg)
