Others

गृहपृष्ठ

चितुवाको छालासहित दुई जना पक्राउ काठमाडौं। संरक्षित वन्यजन्तु चितुवाको छालासहित दुई जना रुकुमपश्चिममा पक्राउ परेका छन् । पक्राउ पर्नेमा रुकुमपूर्व पुथाउत्तरगङ्गा गाउँपालिका–१४ का २१ वर्षीय अर्जुन भनिने छाँया विक र घोराही उपमहानगरपालिका–१२ दाङका १९ वर्षीय गणेश नेपाली रहेको प्रहरीले आज पत्रकार सम्मेलन गरी जानकारी गराएको छ ।   जिल्ला प्रहरी कार्यालयबाट खटिएको टोलीले मुसिकोट नगरपालिका–७ को बैरीदहस्थित मध्यपहाडी लोकमार्गबाट चितुवा अङ्ग (ओखेटोपहार) छालासहित उनीहरुलाई पक्राउ गरेको हो । प्रहरी नायब उपरीक्षक सुमित खड्काका अनुसार पक्राउ परेका दुवैलाई थप अनुसन्धान तथा कारवाहीका लागि जिल्ला वन कार्यालयमा बुझाइँदै छ ।