वीरगन्जमा अग्नि नियन्त्रकको गोली हानी हत्या
<p>वीरगन्ज। वीरगन्ज महानगरपालिकाका अग्नि नियन्त्रकको गोली हानी हत्या भएको छ।</p>
<p>वारुण यन्त्र शाखामा कार्यरत बुनिलालप्रसाद चौरसियाको गोली हानी हत्या भएको पर्सा प्रहरीले जनाएको छ।</p>
<p>७ कात्तिक साँझदेखि घरबाट निस्केका उनको आज बिहान माइधीया पोखरी नजिकै शव भेटिएको छ।</p>
<p>पर्साका प्रहरी नायव उपरीक्षक गौतम थापाका अनुसार मृतकको शरीरका विभिन्न ठाउँमा गोली लागेको देखिएको छ।</p>
<p>नारायणी अस्पतालमा शवको पोष्टमार्टम गरिएको छ।</p>
<p>उनको टाउको र छातीमा दुई/दुई र नाइटोमा एक गरी पाँच गोली लागेको देखिएको अस्पताल स्रोतले जानकारी दिएको छ।</p>
<p>“पोस्टमार्टम रिपोर्ट आइसकेको छैन, त्यसपछि थप कुरा खुल्छ”, डीएसपी थापाले भने, “प्रारम्भिक अनुसन्धान हेर्दा उनको गोली हानेरै हत्या गरेको देखिन्छ।”</p>
<p>प्रहरीले चाैरसियाकाे हत्या आशंकामा वीरगन्ज–६, माइस्थानका दीपककिशाेर अग्रवाल र उनकी श्रीमती नीति अग्रवाललाई नियन्त्रणामा लिएकाे छ।</p>
<p>चौरसियाको हत्या गरेर शव कपडामा बेरेर फालिएको अवस्थामा भेटिएको थियो।</p>
<p>जिल्ला प्रहरी कार्यालय पर्साले जनकपुरबाट तालिम प्राप्त कुकुर झिकाएर पनि अनुसन्धान गरिरहेको छ।</p>
<p> </p>
प्रतिक्रिया दिनुहोस्
.jpg)
