आज राति सन् २०२० को दोस्रो चन्द्रग्रहण
<p>काठमाडौं। आज राति सन् २०२० को दोस्रो चन्द्रग्रहण लाग्दैछ, जुन विसं २०७७ सालको पहिलो पनि हो।</p>
<p>गत १० जनवरीमा सन् २०२० को पहिलो चन्द्रग्रहण लागेको थियो।</p>
<p>नेपाली समयअनुसार राति ११ बजेर ३० मिनटमा शुरु हुने चन्द्रग्रहण भोलि बिहान दुई बजेर ४९ मिनटमा समाप्त हुनेछ। राति एक बजेर नौ मिनटमा चन्द्रग्रहणको सबैभन्दा बढी प्रभाव रहने छ।</p>
<p>एशिया, युरोप, अस्ट्रेलिया र अफ्रिकामा यो चन्द्रग्रहण देख्‍न सकिनेछ।</p>
<p>वैज्ञानिकहरूका अनुसार यो पिनम्ब्रल अथवा उपछाया ग्रहण हो। त्यो भनेको पृथ्वीको छायाको बाहिरको हिस्सा चन्द्रमामा पर्नु हो, जसको छाया फिका हुने गर्छ।</p>
प्रतिक्रिया दिनुहोस्
.jpg)
