Others

गृहपृष्ठ

१५ वर्षदेखि न्याय पर्खिरहेछन् बाँदरमुढे घटनापीडित काठमाडौं।  १५ वर्षअघि आजकै दिन चितवनको माडी बाँदरमुढेमा तीन जना सुरक्षाकर्मी र ३५ जना सर्वसाधारणको सामूहिक हत्या भएको थियो। सार्वजनिक बसमा माओवादी कार्यकर्ताले बम पड्काएर निर्दोष मानिसको ज्यान लिएका थिए। उक्त घटनामा ७० जना घाइते भएका थिए।  मृतकका परिवार र घाइतेले अहिलेसम्म आफूहरूमाथि कसले र किन त्यस्तो ज्यादति गर्&zwj;यो भन्&zwj;ने जान्&zwj;न पाएका छैनन्। साथै न्याय र परिपूरण पनि अहिलेसम्म पाएका छैनन्।  आज एड्भोकेसी फोरमले एक विज्ञप्ति निकालेर २३ जेठ २०६२ मा भएको उक्त घटनामा स्वतन्त्र अनुसन्धानको माग गरेको छ। तत्कालीन माओवादी नेता पुष्पकमल दाहालले घटनालाई गम्भीर त्रुटी भएको स्वीकारे पनि त्यसको स्वतन्त्र अनुसन्धान गर्न र यस्ता घटना नदोहोर्&zwj;याउन कुनै उपाय अवलम्बन गर्न भने दिएका छैनन्।  एड्भोकेसी फोरमका निर्देशक ओमप्रकाश सेनले निकालेको विज्ञप्तिमा भोलि, २४ जेठमा गोरखाका कृष्णप्रसाद अधिकारीको माओवादी कार्यकार्ताबाट हत्या भएको पनि १६ वर्ष पूरा हुँदै गरेको भन्दै उक्त घटनामा पनि स्वतन्त्र अनुसन्धानको माग गरेका छन्।   चितवनमा रहेका आफ्ना हजुरबुवारआमा भेट्न जाँदै गर्दा कृष्णलाई माओवादी कार्यकर्ताले यातना दिएर हत्या गरेका थिए। छोराका हत्यारालाई कारवाहीको माग गर्दागर्दै उनका बुबा नन्दप्रसाद अधिकारीको पनि सन् २०१४ को सेप्टेम्बरमा भोक हड्तालमा बसेका बेला मृत्यु भएको थियो।  कृष्णकी आमा नन्दमाया छोरा र पतिलाई न्याय माग्दै पछिल्लो सात वर्षदेखि निरन्तर संघर्षमा छिन्।  सर्वोच्च अदालतको आदेशपछि कृष्णको हत्या घटनामा छानविन थालिएको थियो। यद्यपि, उक्त छानविन पनि स्वतन्त्र र विश्&zwj;वसनीय हुन सकेको छैन।  पीडितलाई न्याय दिलाउनुभन्दा बढी अपराधीलाई उन्मुक्ति दिन खोजेको आरोप सरकारी निकायमाथि लाग्दै आएको छ।  एड्भोकेसी फोरमले यी आपराधिक घटनामा स्वतन्त्र विज्ञको टोलीद्वारा छानविन हुनुपर्ने माग गरेको छ।