उपल्लो डोल्पाबाट दुई जर्मन नागरिकको उद्धार
<p>डाेल्पा। डोल्पामा लेक लागेर बिरामी भएका दुईजना जर्मन नागरिकलाई उद्धार गरिएको छ।</p>
<p>माथिल्लो डोल्पाको छार्का ताङसोङ गाउँपालिकामा पर्ने सुला तथा मुकोट ताल पुगेर लेक लागेका कारण बिरामी भएका दुईजना जर्मन नागरिकलाई आज दिउँसो हेलिकप्टरमार्फत उद्धार गरी काठमाडाै‌ लगिएको प्रमुख जिल्ला अधिकारी मुकेशकुमार केशरीले जानकारी दिए।</p>
<p>माथिल्लो डोल्पा अवलोकन गर्न गएका दुवैजना पर्यटक छार्का ताङसोङ गाउँपालिकास्थित मुकोट ताल ताथ सुला ताल भनेर चिनिने तालसम्म पुगेका बेला लेक लागेर बिरामी परेका हुन्।</p>
<p>उद्धार अनुमति पत्रको फोटोकपी नबुझिने भएकाले उनीहरूको नाम भन्न नसकिएको जिल्ला प्रहरी कार्यालयका प्रहरी सहायक निरीक्षक खस्टप्रसाद खकुरेलले बताए। <em>रासस</em></p>
प्रतिक्रिया दिनुहोस्
.jpg)
